Kandidati Aulon Kalaja së bashku me avokatin i tij i janë drejtuar sot Kolegjit Zgjedhor për të ankimuar vendimin e KAS-it, për rinumërimin e pjesshëm të qarkut të Durrësit.
Në qarkun e Durrësit u rinumëruan vetëm 152 kuti.
Kalaja pretendon se sipas filmimeve në vetëm 8 kuti të pa numëruara i kishin lëvizur 28 dhe thotë se në 393 të pa rinumëruara do ketë shumë të tjera që mund të ndryshojnë rezultatin e tij.
“Sot do dorëzojmë disa padi në Gjykatën e Apelit të Tiranës, jemi në afatin e fundit për shkak se KQZ, KAS nuk ka zbardhur vendimin dhe avokati e di më mirë këtë punë. Por këtë komunikim publik e bëj së pari për hir të transparencës, së dyti për t’iu falënderuar për mbështetjen që më keni dhënë deri tani dhe së treti për t’iu treguar nuk tërhiqem sepse ka qarkullua një shkrim sikur unë nuk kam shkuar në kolegj zgjedhor. Ja ku jemi këtu tani. Kemi qenë edhe më përpara për legjitimitetin.
Ndërkohë un pres vendim për çështjen e legjitimitetit tim, që të shkoj jo vetëm në kolegj zgjedhor, në Gjykatë kushtetuese, por edhe në Gjykatë të Strasburgut, siç i kamë dhënë fjalën qytetarëve. Një sqarim, janë hapur vetëm 152 kuti, qarku i Durrësit ka gjithsej 493 kuti, vetë KAS-i vendosi për hapjen e pjesshme të qarkut. Ne kemi provat, vendosi për 290 kuti, më vonë i ka fshirë të dhënat nga KQZ 290-ën e ka kthyer në 154, pastaj në 152, ka vazhduar duke fshirë të dhënat.
Çfarë ka ndodhur? Kemi një tërheqje të KQZ pikërisht nga kjo vendimmarrje, kur kemi parasysh që qarku ka 493, KQZ vendosi për hapjen e 290 kutive, ndërkohë kur po numëroheshin votat tek Farije Hoti hapën vetëm 152 kuti. Dhe çfarë ndodhi, jo se nuk kishin të dhëna te 152 kutitë, se kishim kuti në të cilat kishin vjedhur 43 vota, në një tjetër 42, në një tjetër një kandidat kishte grabitur 14 vota e, tjetri 9 e kështu me radhë. Duke e parë këtë gjë, diferenca ime filloi duke u zbritur me 105 vota.
Unë sot jam krenar sepse sot i drejtohem Kolegjit zgjedhor me një moral të lartë, pasi jo vetëm nuk kam vjedhur vota, përkundrazi më janë vjedhur dhe nuk kërkoj asgjë tjetër përveç transparencës. Të hapim dhe kutitë e tjera që janë diku tek 339, për këtë arsye ditën e hënë bashkë, paraqitëm një provë të re KAS-it, duke nxjerrë 8 kuti dhe duke bërë thirrje që të shikonin videot.
Ja çfarë kishte ndodhur në këto 8 kuti të pa numëruara nga KQZ, lëviznin 28 vota, që ndryshonin rezultatin tim vetëm në 8 kuti, imagjino në 339. Prandaj të gjitha këto përpjekje janë për hapjen e të gjitha kutive. Në rast se edhe këta do vendosin si puna e KAS-it, atëherë ne do kemi gati një padi tjetër, por jo më në gjykatë, ne SPAK”, tha kandidati i ASHM, Aulon Kalaja.
