Deputetët e PD Enkelejd Alibeaj dhe Ervin Salianji i’a mbathin nga përgjegjësia për të provuar në Prokurori vërtetësinë e audiopërgjimit të PD për vëllain e ministrit të Brendshëm Fatmir Xhafaj. Vetëm pak minuta më parë është bërë e ditur se ata nuk do të paraqiten në prokurori me argumentin se janë në seancë plenare në Kuvend. Ikja e tyre nga përgjegjësia për të dëshmuar duket se qartazi provon mungesën e vërtetësisë së audiopërgjimit. Për disa ditë me rradhe PD ngriti një dallgë kundër Xhafajt mbi të ashtëquajturën audiopërgjim për Agron Xhafajn. Ndërkohë që autorët që prezantuan audiopërgjimin nuk pranojnë të shkojnë të dëshmojnë në prokurori.
Dy deputetët e PD ishin thirrur për të dëshmuar sot në prokurori në orën 10.30. Refuzimi për të dëshmuar sot duke u ‘fshehur’ pas seancës plenare në Kuvend, ngre pikëpyetje serioze mbi vërtetësinë e audiopërgjimit. Nga ana tjetër dy deputetët duket se do ta kenë shumë të vështirë t’i shpëtojnë ballafaqimit ligjor nëse nuk arrijnë të provojnë vërtetësinë e materialit të paraqitur prej tyre. Mbi dy deputetët dhe ish ministrin e drejtësisë Gazmend Bardhi ka një padi penale nga Agron Xhafaj, padi që ka në vëmendje vepra të rënda penale si mashtrim, falsikim dhe shantazh.
ma.me/javanews.al
