48 vjeçari është në vitin e parafundit të kontratës së tij por Atletico Madrid ende nuk janë gati ta lënë që të largohet, pasi që shpresojnë që t’ia zgjatin kontratën. Diego Simeone është një “bekim” për Atletico Madridin dhe do të ishte “përfekt” për të gjitha palët nëse ai nënshkruan vazhdimin e kontratës, ka thënë CEO i Atleticos, Gil Marin.
“Mendoj se ai ishte një bekim për të gjitha palët, për mua, për klubin, për tifozët, por po ashtu për të (kur erdhi në fillim)”, ka thënë Gil Marin për Juventude Rebelde. “Ne jemi rritur shumë bashkë dhe ne shpresojmë që ai të vazhdojë me ne për shumë vite”.
“Në futboll, ju nuk mund të bëni projekte afatgjate në nivel sportiv, këtë mund ta bëni në nivel strukturorë. Në rastin e Diegos, ai e ka këtë sezon dhe tjetrin dhe do të ishte perfektë për të dyja palët që ta zgjasim për më gjatë këtë lidhje”, përgatiti “GazetaExpress”. (b.an)
