Detaje të reja për atentatin e radhës me tritol ndaj Indrit Sadedinit në Vlorë të dielën e kaluar pranë banesës së tij. Mësohet se hetimet janë shtrirë në 3 pista ku më kryesorja është ajo e një ngjarje të disa viteve më parë në Vlorë, e cila dyshohet se ka çuar kundërshtarët drejt vendimit të larjes së hesapeve. Policia është e rezervuar për dhënien e informacioneve se për cilën ngjarje bëhet fjalë, për shkak të rëndësisë që ka momentalisht në hetim.
Ndërkohë, si përket automjetit të gjetur të djegur në Lushnje së fundmi, ende nuk ka të dhëna të përftuara nga ekspertiza për gjetjen e ndonjë prove që do ndihmonte grupin e hetimit, ndërsa është ende në fazë kontrolli dhe analizash. Lidhur me dyshimet se atentati mund të jetë planifikuar në Lushnje për shkak të një ngjarje të ndodhur në këtë qytet disa muaj më parë, burimet thanë se momentalisht është e përjashtuar si pistë, pasi hipoteza e vetme ka qenë vetëm automjeti i gjetur i djegur në këtë rreth. Shenjestra e atentatit ka qenë bashkëpunues me grupin e hetimit por nuk ka dhënë emra konkret se nga mund ti ketë ardhur sulmi.
Brime brenda Spitalit të Traumës, bëjnë me doje se Indrit Sadedini ndodhet i shtruar në pavionin e Ortopedik jashtë rrezikut për jetën. Ai ka dëmtime në të dyja këmbët, por mjekët besojnë se edhe këtë radhë i riu vlonjat ia ka hedhur pa pasoja të rënda fizike dhe se në ditët në vijim do të ketë rikuperim nga dëmtimi i rëndë që ka pësuar. Gjendja e tij është e stabilizuar dhe pas rikuperimit të plotë pritet të lërë spitalin.
Indrit Sadetini ka rënë disa herë pre e atentateve dhe sulmeve të tij, por përveç këtij të fundit, pa pasoja të rënda fizike.
/b.h
