Ferdinand Llanaj lihet në arrest shtëpie, pas vendimit të gjykatës së Apelit Vlorë,e cila ka rrëzuar kërkesën e ankimit të Prokurorisë së apelit për ndryshimin e masës së sigurisë.
Llanaj u arrestua në flagrancë me akuzën për armëmbajtje pa leje dhe prodhim e shitje të armëve luftarake, pas atentatit ndaj tij ndodhur në datë 1 tetor në rrugën Transballkanike, ku vetë Llanaj mbeti i plagosur së bashku me të edhe shtetasi Dritan Begaj që ishte në makinë dhe djali 8-vjeçar i Llanaj.
Gjykata e Faktit Vlorë përcaktoi në datë 4 tetor masën e sigurisë arrest në burg me afat 20 ditë, ndërsa Llanaj ndodhej në spital për shkak të plagëve të marra gjatë atentatit.
Gjatë kësaj kohe ai nuk është shoqëruar në paraburgim, ndërsa pasi kaloi ky afat i dhënë nga gjykata e Vlorës, u mor vendimi arrest në shtëpie shkruan Shqiptarja.
Llanaj vetëm dy ditë më parë ka lënë ambientet e spitalit dhe ndodhet në shtëpi,por në kushtet e spitalit për shkak të mjekimi që vijon. Ndaj masës së sigurisë arrest në burg është kërkuar ankim të masës, e refuzuar,teksa është lënë në fuqi masa e sigurisë arrest në shtëpi,ndërsa mbetet nën hetim.
Seanca e sotme drejtohej nga gjyqtar Sokol Ngresi Relator dhe Margarita Buhali e Iliba Bezati, ndërsa Llanaj përfaqësohej nga avokati i tij Arian Isufaj./a.m.
