Një vrasje me armë zjarri ka ndodhur paraditen e së dielës në Shkodër. Viktima është 32-vjeçari Angjelin Shkambi. Ai është vrarë me armë zjarri në momentin që ndodhej në makinën e tij, nga persona ende të paidentifikuar.
Në vendin e ngjarjes ka shkuar policia, e cila po punon për zbardhjen e saj. Disa pika kontrolli mësohet se janë ngritur me qëllim kapjen e autorëve.
Njoftimi i policisë:
Me datë 17.12.2017, rreth orës 11:10, Salla Operative është njoftuar se në rrugën që të çon tek varrezat e “Stom Golemit”, një person në një makinë, është pa shenja jete.
Shërbimet e Policisë kanë shkuar menjëherë në vendngjarje ku kanë konstatuar se në mjetin tip “Benz” me targa AA 275 BF , ndodhej trupi i pajetë i shtetasit A.Sh. 32 vjeç, banues në Shkodër, i vrarë me armë zjarri nga persona akoma të paidentifikuar.
Grupi hetimor nën drejtimin e Prokurorit ndodhet në vendin e ngjarjes ku po vazhdojnë hetimet për zbardhjen e plotë të ngjarjes.
Në vendngjarje janë gjetur dhe sekuestruar tre gëzhoja pistolete.
Janë ngritur pika kontrolli si dhe po bëhet krehja e zonës me qëllim kapjen e autorëve.
Në mbështetje të veprimeve që po kryhen nga D.V.P. Shkoder për kapjen e autorëve, janë edhe grupe të FNSh-së.
a.ç
