Forcat e Ndërhyejes së Shpejtë dhe “Delta Forcë” kanë zbarkuar në Vlorë për të ndihmuar në kapjen e autorëve të ngjarjes së rëndë të paradites së sotme, ku një person mbeti i plagosur.
Kontrollet janë fokusuar kryesisht në njësitë administrative të fshatrave Babicë e Vogël dhe e Madhe, Shushicë, Bestrovë, Kërkovë dhe Bunavi.
Në ndihmë të punës për kapjen e autorëve janë marrë edhe pamjet e kamerave të sigurisë, si edhe janë kryer kontrolle në banesa, por deri tani asgjë konkrete.
Ndërkohë, për këtë ngjarje janë shoqëruar disa persona për t’u marrë në pyetje.
I plagosur mbeti një person që ndodhej rastësisht në zonën ku u qëllua me armë zjarri.
Nga shkëmbimi i zjarrit mbeti i plagosur në këmbë Dajko Cenodemaj, i cili ishte duke pirë kafe me disa shokë, mësohet se shënjestra nuk ka qenë ai.
Dyshohet se shënjestra ka qenë Inez Hajrulla, person me precedentë të mëparshëm penal.
Ngjarja vjen një ditë pas deklaratës së Kryeprokurores Arta Marku se Vlora është qarku më problematik sa i përket kriminalitetit.
/a.rada
