Policia e Tiranës ka identifikuar dhe shpallur në kërkim autorët e atentatit të ndodhur mbrëmjen e djeshme në zonën e Kinostudios në Tiranë. Nga atentati mbeti i plagosur 34-vjeçari Eduart Duka, teksa po pinte kafe në zonën e Kinostudios. I riu ka marrë plagë të lehtë në krah dhe ndodhet jashtë rrezikut për jetën.
Nga hetimet e kryera ka rezultuar se autorë të dyshuar të kësaj ngjarje janë shtetasit: – L. D., 30 vjeç, banues në Tiranë – E. D., 26 vjeç, banues në Tiranë.
Shtetasit e shpallur në kërkim, me shtetasin e dëmtuar, më parë kanë patur një konflikt midis njëri tjetrit dhe konkretisht më datë 08.02.2017, konflikt i cili është trajtuar nga Komisaraiti Nr 4.
Konflikti ka ndodhur një muaj më parë në të njëjtën zonë ku ndodhi ngjarja mbrëmë. Ai është përfshirë në një sherr të dhunshëm me grushte me këta persona dhe ngjarja është ndjekur nga Komisariati nr.4, që ka proceduar të personat për dëmtime të tjera me dashje.
Po punohet për kapje e autorëve të dyshuar të ngjarjes. Materialet proceduriale i’u kaluan Prokurorisë pranë Gykatës së Shkallës së Parë Tiranë, për veprat penale “Vrasje me paramendim, mbetur në tentativë, në bashkëpunim” dhe “Prodhimi dhe mbajtja pa leje e armëve luftarake dhe e municionit”,
a.ç
