Kryeministri Edi Rama ka komentuar në Twitter zbardhjen e atentatit ndaj Prokurorit Ndoja, teksa falenderon punën e Policisë.
Ai shprehet se brenda nëntorit do të ketë edhe një ligj special për personat me precedentë, por edhe masa speciale për grupin e gjyqtarëve dhe prokurorëve, që Rama i cilëson si “kap ç’a t’kapësh”.
“Përshëndes me respekt punën e shkëlqyer të Policisë së Shtetit për zbardhjen e ngjarjes kriminale, ku u implikua edhe prokurori i Durrësit.
Brenda muajit Ligji Special kundër personave të dënuar, akuzuar a hetuar brenda/jashtë vendit për krim të organizuar apo krime të rënda… dhe masat speciale kundër KÇK-së.
Do t’i nxjerrim “ujë të zi” foleve të krimit të organizuar dhe do të reagojmë frontalisht ndaj gjykatësve e prokurorëve të inkriminuar, që duan “të kapin ç’të kapin”, deri ditën kur kanë radhën e spastrimit nga Vetingu #DerinëFund #ZeroTolerancë” – shkruan kryeministri.
Të premten e javës që lamë pas, një breshëri plumbash u derdh mbi makinën me të cilën udhëtonte prokurori i Durrësit, Arjan Ndoja dhe Landi Muharremi, i njohur si i forti “i forti i Sukthit”.
/a.r
