Gjashtë ditë pas atentatit ndaj Plarent Dervishaj, Julian Meçajt dhe Bashkim Haxhiajt, policia ka vënë në pranga Bashkim Haxhiajn.
Ky i fundit është arrestuar me akuzën për armëmbajtje pa leje, ndërsa ka qenë bashkë me miqtë e tij, ditën që këtyre të fundit iu bë atentat me breshëri plumbash.
Haxhiaj është kapur nga kamerat e sigurisë ndërsa mbante një armë në dorë dhe ndiqte me vrap atentatorët pasi u larguan.
Ai ishte në sendiljen e pasme dhe iu është kundërpërgjigjur me zjarr atentatorëve.
Haxhia ndërkohë njihet si pjesë e grupit famkeq të Astrit Gjepalit, i vrarë në 16 janar 2014, si edhe anëtar i bandës së Durrësit.
Haxhia është ekstraduar disa vite më parë nga Italia, pasi në Shqipëri ishte dënuar me 20 vite burgim me akuzën për vrasje, katër rrëmbime dhe grabitje.
Ai po ashtu është hetuar nga drejtësia e vendeve fqinje, me akuzën për shpërndarje droge dhe trafik prostitucioni.
Atentati
Persona ende të paidentifikuar i zunë pritë më 20 qershor dhe qëlluan në drejtim të makinës që udhëtonte Julian Meçaj, i njohur si një prej ish anëtarëve të Bandës së Durrësit dhe me precedentë penale.
Makines tip Reng Rover i eshtë zënë pritë tek rrethrrotulli teksa ka qenë duke udhëtuar nga Maminasi drejt Durrësit. Në makinë ka qenë edhe një 47 vjeçar.
Ngjarja ndodhi rreth orës 13:30 në rrugën e re të ish Kënetës, në afërsi të autostradës. Nga atentati Julian Meçaj dhe personi tjeter kane mbetur te plagosur dhe ndodhen në spital.
g.kosovari
