Policia ka dhënë informacionin zyrtar sa i përket atentatit të sotëm në Shkodër ku mbetën të plagosur 3 shtetas.
Sipas bluve të qytetit verior, mdatë 15.07.2017, rreth orës 13;00, është marrë njoftimi se ka të shtëna me armë, perballë Teatrit Migjeni.
Ja çfarë thotë policia:
Menjëherë shërbimet e Policisë kanë shkuar në vendngjarje ku dhe kanë konstatuar se janë plagosur me armë zjarri shtetasit:
D. L. 32 vjeç, i cili ndodhet në gjëndje të rëndë për jetën dhe dyshohet të ketë qenë edhe objekti i këtij sulmi.
L. T. 25 vjeçe jashtë rrezikut për jetën, E. P. 59 vjeç, jashtë rrezikut për jetën të cilët kanë qënë kalimtare te rastit.
Autori/ët janë larguar me shpejtësi me një automjet në drejtim të Shirokës.
Nga policia e Shkodrës eshte bere e mundur gjetja e armes se zjarrit dhe automjeti i autorit/eve.
Janë ngritur pika te shumta kontrolli dhe po behet krehja e zones per identifikimin dhe kapjen e autorit/ve dhe sqarimin e rrethanave te ngjarjes.
Po bashkëpunohet me Policinë Kufitare pasi dyshohet se autori/ët mund të largohen në drejtim të Malit të Zi.
***
Një i ri shkodran ka tentuar mesditën e sotme të vrasë një vajzë duke e lënë atë të plagosur si dhe dy kalimtarë të rastit.
Elona Qyrku 25 vjec shënjestra e autorit, dhe kalimtarët Enrik Prenushi dhe Don Lisi 32 vjec janë dërguar me plagë te shkaktuara nga arme zjarri me urgjencë në spitalin rajonal të Shkodrës, shkruan Report TV.
Në mes të ditës me diell, në vendin e quajtur “5 heronjte”, nga një makinë tip golf ngjyrë jeshile që po qarkullonte në shëtitore është qëlluar 8 herë me pistoletë. Nga hetimet paraprake mësohet se objektiv ka qenë vajza, Elona Qyrku, e cila mori plagë në këmbë.
***
Një ngjarje e rëndë kriminale është shënuar mesditën e sotme në qytetin e Shkodrës. Ka qenë piku i lëvizjeve në qendër të qytetit kur disa persona kanë shkëmbyer zjarr.
Mësohet se tre kalimtarë të rastit kanë mbetur të plagosur ndërkohë që janë dërguar me urgjencë në spital.
Nga përplasja e sotme me armë ka mbetur e plagosur në këmbë një vajzë ndërsa për personat e tjerë nuk ka ende informacion për gjendjen e tyre shëndetësore.
Burime nga Shkodra thonë se të plagosurit janë Elona Çyrku, Doni Lisi dhe Enrik Prendushi.
Dëshmitarë nga vendi i ngjarjes shprehen për mediat se të paktën 8 të shtëna janë dëgjuar dhe dyshohet se është qëlluar nga një automjet Volkswagen Golf.
Policia ka identifikuar një 32-vjeçar me inicialet T.L si autor të dyshuar dhe po heton për të zbuluar se cili ishte objektivi i atentatit. /javanews/b.d
