Një efektiv policie i ka shpëtuar pa u lënduar një atentati me armë zjarri mbrëmjen e së martë në qytetin e Pejës.
Sipas të dhënave paraprake, oficeri i policisë, emri i të cilit nuk bëhet me dije, sapo kishte dalë nga komisariat, kur një makinë qëndroi në vizat e bardha dhe një person qëlloi ndaj tij.
“Zyrtari policor sapo kishte dalë nga stacioni policor dhe ishte duke kaluar rrugën në zebra, kur nga një veturë është qëlluar me armë zjarri në drejtim të tij. Për fat të mirë, ai ka shpëtuar pa lëndime”, thuhet në njoftimin e policisë.
I dyshuari i kësaj ngjarje është identifikuar dhe po ndërmerren të gjitha veprimet hetimore për kapjen e tij.
Ende nuk dihen arsyet e këtij incidenti.
