Preng dhe Antonta Paluca kanë mbetur të plagosur me armë zjarri mbrëmjen e djeshme. Policia e Tiranës bën me dije se çifti i bashkëshortëve është plagosur shumë pranë banesës së tyre në rrugën “Kosova” në Kamzë.
Të dy janë dërguar me urgjencë në spital dhe ndodhen nën kujdesin e mjekëve.
Burime për mediat bëjnë me dije se 50-vjeçari është në sallën e operacionit, pasi gjendja e tij është më e rëndë, ndërsa bashkëshortja e tij 41-vjeçe është jashtë rrezikut për jetën.
Forca të shumta policie kanë shkuar menjeherë në vendngjarje, kanë bërë rrethimin e zonës dhe po kryejnë kontrolle me qëllim kapjen e autorit.
Po punohet për sqarimin e rrethanave të ngjarje, si dhe mbledhjen e çdo prove të mundshme që do çojë në identifikimin dhe kapjen e autorit.
/a.r
