Feja është pjesë integrale e kulturës dhe që nga fillimi është e rëndësishme për njerëzimin. Pra, për shkak të besimit fetar (akoma sot) zhvillohen luftëra. Edhe pse njerëzit sot më shumë se kurrë janë të lirë të besojnë në çdo gjë që ata duan, disa, në mesin e tyre edhe yjet e Hollivudit, refuzojnë të besojnë në Zot. Këta janë ateistët më të famshëm të Hollivudit.
“Nuk ka nevojë të ekzistojë Zoti për mua. Ka diçka në njerëz që është shpirtërore, diçka hyjnore. Nuk më pëlqen të bëj gjëra vetëm për shkak se njerëzit thonë se duhet, por unë nuk e di nëse është më mirë të mos besoni apo të besoni”, pati deklaruar ylli i Hollivudit, Angelina Jolie.
Burri i Angelina Jolie-t, një nga aktorët më tërheqës të Hollivudit, Brad Pitt, fenë e konsideron një çështje për të cilën nuk duhet të flitet. “E konsideroj veten një ateist 20% dhe 80% agnostik. Unë mendoj se as vetë nuk e di. Ndoshta një ditë do ta gjej atë që unë jam. Deri atëherë nuk ka arsye për të folur për këtë”, tha Brad në një intervistë, shkruan gazeta Zëri.
Emma Thompson nuk ka asnjë dyshim në besimin e saj. Përkundrazi. Ajo madje është kundërshtare e fortë e fesë. “Unë jam një ateiste. Edhe mund të më krahasoni me një anarkist liberal. Kjo nuk është e mjaftueshme për të thënë se unë nuk besoj në Zot, pasi jam një kundërshtar i madh i fesë. Më pengojnë disa gjëra të shkruara në librat e shenjtë. Unë përpiqem t’i hedh poshtë ato”, thotë ajo.
Kur u pyet nëse ai besonte në Zot, Morgan Freeman u përgjigj: “S’e kam parë ndonjëherë ndonjë provë se Zoti ekziston! Ajo që ne kemi janë vetëm teori. Njerëzit të cilët mendojnë se Zoti na bëri të mendojmë dhe se planeti Tokë nuk mund të jetë më i vjetër se 6000 vjet , mendoj se është e gjitha një çështje e besimeve”.
Al Pacino
Javier Bardem ka thënë vazhdimisht se ai nuk beson në Zot, por një nga shokët e tij e përjeton si një hyjni. “Unë nuk besoj në Zot, unë besoj në Al Pacino. Kush nuk pajtohet me mua le të shikojë ‘The Devil’s Advocate’”, tha ai.
Kundërshtare
“Nuk është e mjaftueshme për të thënë se unë nuk besoj në Zot, pasi jam një kundërshtare e madhe e fesë. Më pengojnë disa gjëra të shkruara në librat e shenjtë”, deklaroi Emma Thompson
“Nuk ka nevojë të ekzistojë Zoti për mua. Ka diçka në njerëz që është shpirtërore, diçka hyjnore”, tha Angelina Jolie
Falja
“Unë do të dëshiroja të jem besimtar. Do të nxirresha nga çdo situatë pavarësisht veprave. Vetëm kërkon falje dhe të falen të gjitha”, thotë Keira Knightley-t.
