Atalanta, skuadra e portierit të kombëtares, Etrit Berisha është rikthyer në kupat evropiane pas plot 26 vitesh, duke ndezur në rrugët e qytetit të Bergamos një festë, e cila zgjati deri në orët e para të mëngjesit të kësaj të diele.
Skuadra e Berishës, e cila para më shumë se dy dekadash e gjysmë ishte protagoniste në Kupën UEFA, tani fiton një vend në Ligën e Evropës, një objektiv i paimagjinueshëm në verë, por i bërë realitet nga golat e talenteve në sulm dhe pritjet fantastike të Etrit Berishës.
“E rëndësishme ishte të arrinim rezultat pozitiv edhe pse ka pak zhgënjim për golin e pësuar ndaj Milanit”.
“Na duhet tashmë vetëm një pikë për të evituar turin kualifikues të Ligës së Evropës dhe për të luajtur drejtpërdrejt në fazën e grupeve, por duhet të them se ishte një sezon i vështirë për t’u përshkruar”.
“Atalanta është një shembull për klubet që nuk kanë burime të mëdha ekonomike”, tha trajneri Gasperini.
a.ç
