Jo të gjithë duan të flasin për ndjenjat. E ndërsa disa i shfaqin emocionet, disa të tjerë zgjedhin që t’i mbajnë brenda vetes. Sipas astrologjisë, ka disa shenja që janë “mjeshtër’ në artin e fshehjes së asaj që ndiejnë.
Në dukje të ftohtë, të pakapshëm, e të rezervuar… por brenda tyre ndodh një stuhi ndjenjash që rrallëkush ka privilegjin ta prekë. Ata nuk i fshehin ndjenjat sepse nuk ndiejnë, përkundrazi, ndiejnë më shumë se ç’e tregojnë. Por për ta, të tregosh ndjeshmëri është një rrezik. “Një dorëzim” dhe ata nuk zgjedhin kurrë që të dorëzohet.
Këto janë tre shenjat që preferojnë të duan në heshtje, të vuajnë në heshtje, dhe të qëndrojnë të palëkundura në sy të botës.
Bricjapi – Muri i qetësisë që fsheh një zemër të trazuar
Kjo shenjë tokësore është mjeshtre e vetëkontrollit dhe disiplinës, duke fshehur çdo emocion nën një maskë të hekurt qetësie. Ata nuk e tregojnë as kur u thyhet zemra… thjesht punojnë më shumë. Për Bricjapin, të jesh i ndjeshëm është si të jesh i pambrojtur. Ndaj edhe kur e përjetojnë dashurinë me intensitet, ata e mbajnë për vete, në vend që ta shfaqin. Nuk është mungesë ndjenjash është mbrojtje. Ata janë të fortë jo sepse nuk ndiejnë, por sepse zgjedhin të mos dorëzohen para ndjenjave.
Akrepi – Misteri që askush nuk e lexon dot
Askush nuk i kupton plotësisht Akrepët, dhe pikërisht kjo i bën kaq tërheqës. Emocionet i përjetojnë me intensitet të frikshëm, por i ruajnë me fanatizëm. Pse? Sepse për ta, ndjenjat janë fuqi, dhe fuqia nuk jepet kurrë falas. Ata nuk hapen për askënd, veçse për ata që i fitojnë besimin deri në pikën ku mbrojtja bie vetvetiu. Deri atëherë, do t’i njohësh si enigmatikë, ndoshta të ftohtë, por kurrë të zbrazët.
Ujori – Gjeniu emocionalisht i paprekshëm
Ujorët jetojnë në botën e ideve dhe vizioneve, jo në rrëfimet sentimentale. Edhe pse kanë një anë të ndjeshme, ata nuk e shfaqin pothuajse kurrë. Ndjenjat për ta janë diçka që analizohet, jo që shpërthehet. Ftohtësi? Jo. Distancë? Po. Ata nuk janë të paaftë të ndiejnë, thjesht e vlerësojnë më shumë lirinë dhe pavarësinë se sa dramën emocionale. Në vend që të flasin për atë që ndiejnë, ata e kthejnë vëmendjen nga një ide e re, një kauzë, apo një projekt i çmendur. Por nëse i lexon me kujdes, do kuptosh se çdo ironi e tyre fsheh një pasiguri. Çdo buzëqeshje e qetë fsheh një ndjenjë që nuk ka gjetur dot rrugëdalje.
