Dialogu Kosovë-Serbi i ndërmjetësuar nga Bashkimi Evropian është bllokuar për shkak të Asociacionit. Të dyja palët kanë insistuar që të mos diskutojnë për këtë temë. Ditën e sotme do vijë në Kosovë e më pas në Serbi, i dërguari i posaçëm i Bashkimit Evropian Miroslav Lajçak, që të dyja palët të kthehen në tavolinën e bisedimeve.
Sipas GazetaExpress, lajmin për ardhjen e Lajçakut në Kosovë e ka konfirmuar zyra e kryeministrisë.
Lajçak do të takohet me kryeministrin Avdullah Hoti rreth orës 16:30 në objektin e Qeverisë së Kosovës dhe do të diskutohet për dialogun Kosovë-Serbi, por me interes të veçantë, pritet të diskutohet zbatimi i marrëveshjeve të mëparshme të arritura në mes dy shteteve, sidomos marrëveshja për “Asociacionin e Komunave serbe në Kosovë”.
g.kosovari
