Situata epidemiologjike në Kosovë vijon të mbetet e stabilizuar. Në 24 orët e fundit nuk është regjistruar asnjë viktimë. Ndërsa nga 1.713 testime, janë identifikuar 15 raste të reja infeksioni.
Sipas shifrave të Ministrisë së Shëndetësisë, në 24 orë janë shëruar 67 qytetarë, ndërsa që nga fillimi i pandemisë numri i të shëruarve ka shkuar në 105.174.
Numri total i infektimeve ka shkuar 107.610, ndërkohë që ai i viktimave është 2.250 në të gjithë vendin që nga fillimi i pandemisë.
Ndërkaq, kemi një ulje të ndjeshme të raste aktive në të gjithë vendin, përkatësisht 186 qytetarë.
Procesi i vaksinimit në Kosovë ka nisur në mars, ndërkohë që fushata po vazhdon.
Në 24 orët e fundit 7.492 qytetarë janë vaksinuar kundër COVID-19, ndërsa që nga fillimi i vaksinimit 110.097 qytetarë kanë marrë dozën e vaksinës.
/b.h
