Aleanca Progresive e Socialistëve dhe Demokratëve në Parlamentin Europian ka uruar kalicionin qeveritar për atë që ata e quajnë “fitore domethënëse në zgjedhjet lokale në Shqipëri”.
Përmes një deklarate, Presidenti i Grupit Gianni Pittella theksoi se rezultati dhe mbarëvajtja e procesit zgjedhor tregon se qytetarët shqiptarë kërkojnë që të kthejnë faqe për një të ardhme dhe progres të tyre.
“Unë përgëzoj ngrohtësisht kryetarët socialiste të bashkive dhe këshilltarët për zgjedhjen e tyre dhe i ftoj ata të zbatojnë platformat e reformave progresive, që ju ofruan atyre këtë sukses. Rezultatet mbresëlënëse të koalicionit të majtë, duke përfshirë edhe kryeqytetin e Tiranës, është një shenjë e qartë se qytetarët shqiptarë duan të kthejnë një faqe të re për një të ardhme progresive europiane”. u shpreh Pitella
Zëvendëspresidenti i grupit, përgjegjës për punët e jashtme dhe raportues për Shqipërinë në PE, Knut Fleckenstein i cilësoi zgjedhjet e 21 Qershorit, një hap tjetër drejt konsolidimit të demokracisë në vend. Fleckenstein tha se në këtë mënyrë, Shqipëria është në drejtimin e duhur dhe se së shpejti mund të hapen edhe negociatat për anëtarëimin në BE.
“Zgjedhjet lokale të 21 qershorit ishin një tjetër hap drejt konsolidimit të demokracisë në Shqipëri. Sipas deklaratës paraprake të OSBE/ODIHR dhe vëzhgimeve të disa ambasadave të BE-së, panorama e përgjithshme e zgjedhjeve ishte e mirë dhe absolutisht më e mirë në krahasim me sondazhet e mëparshme. Megjithatë, një numër sfidash duhet ende të adresohen, por vendi është në rrugën e duhur. Ne shpresojmë, pra, se së shpejti Shqipëria do të marrë dritën e gjelbër për fillimin e negociatave me BE-në”, tha ai.
Raportuesi për Shqipërinë Knut Fleckenstein foli edhe për qëndrimet e mbajtura nga eurodeputeti Elmar Brok, ku theksoi se ishte ndjerë i befasuar. Kjo pasi sipas Fleckenstein, detyra e Brok është të ushtrojë detyrat e tij në mënyrë të paanshme dhe jo vetëm të reagojë me kërkesë të aleatëve politikë të EPP.
“Akuzat për manipulime duhet të hetohen. Kërkesat e tilla nga ana e opozitës nuk janë provuar ende. Unë jam i befasuar nga deklaratat e fundit të kryetarit të komitetit të punëve të jashtme Elmar Brok, në televizionet shqiptare. Duke marrë parasysh rolin e tij institucional, ai duhet të ushtrojë detyrat e tij në mënyrë të paanshme dhe jo vetëm të reagojë me kërkesë të aleatëve politikë të EPP”, deklaroi ai.
Megjithatë Fleckenstein thotë se fjalën e fundit për zgjedhjet e 21 Qershorit ta thotë raporti përfundimtar i OSBE-ODIHR-it.
“Ne jemi në pritje të deklaratës përfundimtare nga misioni i vëzhgimit zgjedhor të OSBE-ODIHR-it, në dy muaj, e cila do të marrë parasysh ndjekjen e ankesave individuale dhe të japë një vlerësim përfundimtar, duke përfshirë rekomandime se si të përmirësohet më tej procesi zgjedhor”, nënvizoi Fleckenstein.
Top Channel
