Një aksion anti-kanabis nga shërbimet e Komisariatit të Policisë Shkodër, ka çuar në asgjesimin e 680 bimëve kanabis.
Bimët narkotike kanë qenë të kultivuara në vendin e njohur si “Poshtë Qafës Boshit”, ndërkohë që janë shpallur në kërkim N.Gj, 25 vjeç dhe M.Gj, 41 vjeç, të dy banues në Shkodër, si kultivuesit e bimëve narkotike, të cilat janë asgjësuar me anë të djegies.
Njoftimi i policisë:
Më datë 31.07.2017, nga shërbimet e Komisariatit të Policisë Shkodër ne bazë te informacioneve policore në fshatin Plan Njësia Administrative Pult, Bashkia Shkodër në vendin e quajtur “Poshtë Qafës Boshit”, gjatë kontrollit të territorit, u gjetën të kultivuara dhe asgjësuan me anë te djegies gjithsejt 680 bimë narkotike të llojit Canabis Sativa.
Për këtë rast u bë shpallja ne kërkim dhe po punohet për kapjen e shtetasve:
N. Gj, 25 vjeç, banues në lagjen Mark Lula Shkodër
M. Gj, 41 vjeç, banues në Grudë e Re Shkodër,
Materialet u referuan në Prokurorinë e Rrethit Gjyqësor Shkodër, për vepren penale “Kultivimi i bimëve narkotike” parashikuar nga neni 284 i Kodit Penal.
a.ç
