Asgjësohen me anë të djegies 1680 bimë të dyshuara Cannabis Sattiva si dhe sekuestrohet një pushkë model 56 në Kurbin dhe Mirditë.
Në zbatim të planit të veprimit mbi goditjen e veprimtarisë kriminale të kultivimit të bimëve narkotike, vijon aksioni për identifikimin dhe asgjësimin e bimëve narkotike si dhe vendosjen para përgjegjësisë të autorëve të dyshuar.
Me datë 16.06.2016 , nga strukturat e Komisariateve të Policisë Mirditë dhe Kurbin, asgjësohen me anë të djegies 1680 bimë të dyshuara Cannabis -Sattiva të mbjella në Mirditë dhe Kurbin si dhe sekuestrohet një pushkë model 56.
Konkretisht :
Në Mirditë , në fshatin Kthellë e Epër, në vendin e quajtur “Mullinjt e Lugjes” janë asgjësuar me anë të djegies 2 parcela me 1220 bimë të dyshuara Cannabis -Sattiva.
Në Kurbin, në Malin e Zhejes, në vendin e quajtur “Prroi i Shehut” janë asgjësuar me anë të djegies 460 bimë të dyshuara Cannabis Sattiva.
Gjithashtu është gjetur dhe sekuestruar në cilësinë e proves materiale një pushke model 56.
Vijojnë hetimet për identifikimin dhe kapjen e autorëve./a.m.
