Asambleja e Përgjithshme e OKB-së do të votojë sot (23 maj) për një propozim-rezolutë për gjenocidin në Srebrenicë. Debati për të pritet të nisë në orën 16:00.
Rezoluta e propozuar synon të caktojë 11 korrikun si Ditën Ndërkombëtare të Përkujtimit të Gjenocidit të Srebrenicës. Po ashtu dënon “çdo mohim të gjenocidit të Srebrenicës” dhe veprime që lavdërojnë të dënuarit për krime lufte, krime kundër njerëzimit dhe gjenocid nga gjykatat ndërkombëtare, përfshirë ata që janë përgjegjës për masakrën e Srebrenicës.
Rezoluta gjithashtu bën thirrje për ndjekje të mëtejshme të atyre që janë përgjegjës dhe nënvizon rëndësinë e kërkimit dhe identifikimit të viktimave të tjera të mundshme.
Dokumenti është bashkëautor nga shumë vende, duke përfshirë Austrinë, Shqipërinë, Belgjikën, Mbretërinë e Bashkuar, Danimarkën, Irlandën, Italinë, Lituaninë, Lihtenshtajnin, Luksemburgun, Holandën, Poloninë, Slloveninë, Maqedoninë e Veriut, Francën, Kroacinë, Finlanda, Estonia dhe Suedia.
Ngjarjet e Srebrenicës
Më 11 korrik 1995, forcat e serbëve të Bosnjës vranë rreth 8.000 djem dhe burra në Srebrenicë. Të paktën 100.000 njerëz u vranë në luftën e Bosnjës të viteve 1992-1995, ku masakra e Srebrenicës u njoh si momenti më tragjik i konfliktit. Për gjenocidin e kryer u dënuan më shumë se 50 persona me rreth 700 vjet burg, mes tyre edhe presidenti i kohës së luftës i Republikës Sërpska, Radovan Karaxhiq, dhe komandanti i përgjithshëm i ushtrisë së atëhershme serbe, Ratko Mlladiq.
/a.r
