Shpëtim Idrizi, kryetar i PDIU-së, ka shprehur sot zhgënjim në adresë të ministrit të Jashtëm Ditmir bushati, pas vizitës që ky I fundit kreu në greqi disa ditë më parë. Sipas Idrizit, ndonëse u ruajt standarti në takimet që shefi I diplomacisë shqiptare zhvilloi në Athinë, madje në disa pika ajo ishte më avancuar, ato standarte nuk u avancuan sa duhet. “Vlerësojmë faktin se çështja çame nuk u trajtua si çështje pronësore por çështje të drejtash, por nga ana tjetër jam I zhgënjyer nga Bushati, sepse në bisedimet me palën greke nuk pati reciprocitet. Nëse ata kanë 2 varraza greke në Shqipëri, atëhere edhe pala shqiptare duhet të kërkojë ngritjen e varrezave edhe për çamt e vrarë në Greqi”, u shpreh Idirizi, përpara Asamblesë Kombëtare të PDIU-së. sipas tij, ka qenë pikërisht presioni politik i PDIU-së ai që ka sjellë edhe një ndërgjegjësim të qeverive shqiptare për një trajtim më të drejtë të çështjes çame. Ai ka nënvizar se për herë të parë PDIU përfaqësohet me një zv. ministër të Jashtën është shenjë shumë e mirë. “Nuk duhen më fjalë boshe. Duam veprime konkrete. Nëse do të ketë një devijim nga qeveria në linjën për çështjen çame, ne do të largohemi nga qeveria”, ka deklaruar Idirizi.
Kreu i PDIU-së me këtë rast ka bërë apel që të votohet një orë e më parë Reforma në Drejtësi, dhe u ka kërkuar dy forcave të mëdha politike që të mos luajnë më “kukafshehti” dhe t’i lenë mënjëanë “piruetet”. Idrizi ka kërkuar nga Asambleja që të mandatohet për një dialog me mazhorancës për një thellim të bashkëqeverisjes. “Nëse qeveria nuk ka vullnetin e duhur për të bashkëqeverisur me PDIU-në, atëhere janë të hapura edhe alternative të tjera”, ka nënvizuar Idrizi. Për herë të parë në mbledhjen e Asamblesë Kombëtare të PDIU-së ka marrë pjesë edhe deputetja Mesila Doda, e cila sipas Idrizit tashmë do të jetë pjesë organizative, politike dhe parlamentare e PDIU-së.
