Presidenti i Asamblesë Parlamentare të NATO-s Michael Turner, gjatë konferencës së përbashkët për shtyp me kreun e delegacionit shqiptar në Asamblenë Parlamentare të NATO-s, vuri theksin në atë që ai e quajti ‘rritje të rrezikut rus në lindje të Europës’.
Ai ka këmbëngulur që NATO duhet të denoncojë kërcënimet bërthamore të Rusisë.
Turner theksoi se SHBA kanë propozuar që të katërfishonte fondet me qëllim forcimin e pranisë së NATO-s në Europë.
“SHBA kanë propozuar një kërkesë për katër fishimin e fondeve për praninë e NATO-s në Europë. Kongresi ka ndërmarrë edhe masa për këtë gjë. Edhe pse SHBA po bën më shumë, edhe partnerët tanë Europianë duhet të bëjnë më shumë. Ne duhet t’i japim siguri partnerëve tanë, sepse nuk duhet të harrojmë që ekonomia e Rusisë është më e vogël se ajo e Italisë, por kemi të bëjmë me stabilitetin e Europës”, u shpreh Turner raporton Express.
Ai shprehu bindjen se anëtarësimi i vendeve si Serbia e Kosova do të jetë faktor stabiliteti për rajonin e Ballkanit
Duke u ndalur te sfidat e sigurisë globale, Turner vuri theksin në rrezikun që vjen nga ISIS, duke shtuar se është kërcënim për mbarë botën.
Sipas tij, ISIS mbetet kërcënim edhe për Libinë dhe kjo çështje do të jetë në fokus të diskutimeve të NATO-s./a.m.
