Reggie Jackson, nga Pensilvania është, në moshën 75 vjeç, (ish)sportisti me koleksionin më ekskluziv dhe të shtrenjtë të makinave. Legjenda amerikane e bejsbollit zotëron më shumë se 100 makina klasike. Më poshtë, sipas një renditjeje zbritëse, po ju njohim me koleksionet më të kushtueshme të makinave që posedojnë disa figura të njohura nga bota e sportit.
Michael Jordan
Legjenda e Chicago Bulls dhe një nga 2000 njerëzit më të pasur në botë kombinon një shije për klasiken dhe gjithashtu modernen në garazhin e tij, por mbetet në mbyllje të këtij klasifikimi “top 10” të veçantë. Kështu, ne mund të mendojmë për një gjeneratë të fundit ‘Ferrari 599 GTB Fiorano’, por edhe një ikonë ‘Ferrari 512 TR’. Sikur të mos mjaftonte, ka edhe një ‘Bugatti Veyron’, një ‘McLaren SLR 722’, një ‘Bentley Continental GT’ apo një ‘Chevrolet Corvette’ të vitit 1984.
Zlatan Ibrahimovic
Sulmuesi suedez është i apasionuar pas shtëpisë së Ferrarit dhe një nga dhuratat e tij të fundit për ditëlindje e dëshmon këtë. Zlatan pozoi me një ‘Ferrari Monza SP2’ madhështor, të vlerësuar 1.6 milionë euro. Vlera e koleksionit të tij të makinave shkon diku rreth 3.5 milionë euro.
Lewis Hamilton
Kampioni i botës në Formula 1 zotëron në garazhin e tij një ‘Pagani Zonda’ me vlerë më shumë se 1.7 milionë euro, një ‘Maybach S600’, një ‘Ferrari Aperta’, një ‘Ferrari LaFerrari’, një ‘McLaren P1’ dhe një ‘Shelby 427 Cobra’ të vitit 1966.
David Beckham
Ish-futbollisti i Manchester United dhe Real Madridit shfaqet herë me një ‘Rolls-Royce Phatom’, një ‘Ghost’ apo ‘Bentley Continental’. Përveç këtyre makinave, ai zotëron disa ‘Ferrari’, një ‘Audi R8’. Beckham ka shije për klasiken, pasi është parë edhe me një ‘Porsche 911’.
Justin Verlander
Ai e ka rrëfyer vazhdimisht pasionin për makinat. Profili i tij në Instagram është një panair automjetesh luksoze. Verlander publikon fotografi të makinave të tij nën perëndimin e diellit të bukur ose në vende idilike, siç ka bërë me një ‘Aston Martin DBS’, një ‘Ferrari 458 Italia’ ose një ‘Ferrari California’.
Lebron Xhejms
Basketbollisti i Lakers ka ditur si t’i fusë në punë paratë e tij, si për investimet e kryera, ashtu edhe për punën e mirë në Hollywood. Në garazhin e tij mund të gjejmë një ‘Porsche 911 Turbo S’, një ‘Ferrari F430 Spyder’ ose një ‘Maybach 57S’. Sigurisht, më i habitshmi është ‘Lamborghini Aventador’ i personalizuar.
John Cena
Ylli amerikan i mundjes ka një përkushtim ndaj makinave klasike dhe mban më shumë se 25 të tilla në rezidencën e Floridas. Vlera e tyre shkon më shumë se 5 milionë euro. Ai ka një ‘Corvette ZR1’, ‘1970 Plymouth Superbird’ apo një ‘71 Ford Grand Torino’.
Samuel Eto’o
Ka qenë një kohë kur Samuel Eto’o ishte futbollisti më i paguar në botë, falë bujarisë së Anzhit në Rusi. Kjo është arsyeja pse kamerunasi nuk kishte asnjë shqetësim për të blerë 1.5 milionë euro makinë, një ‘Aston Martin One-77’, një ‘1.2 Porsche Gambella Mirage’ ose një ‘Bugatti Veyron’. Përveç kësaj, ai zotëron një ‘Maybach Xenatec’, një ‘Aston Martin V12 Zagato’, një ‘Hummer H2’ dhe një ‘Ferrari 599 Fiorano’.
Jenson Button
Ish-piloti i Formula 1 tregon në shumë raste disa nga makinat që zbukurojnë garazhin e tij. Midis tyre, një ‘Bugatti Veyron’, një ‘Ferrari Enzo’ dhe një ‘McLaren P1’, makinë me vlerë më shumë se një milion euro. Për më tepër, ai ka automjete më klasike si ‘Honda S600’, ‘Ford Anglia ’64’ ose ‘Campervan 56’.
Cristiano Ronaldo
Pesë herë fituesi i “Topit të Artë” është një nga sportistët më të paguar në botë dhe shpenzon një pjesë të mirë të parave të tij për automjete vërtet luksoze. Në garazhin e tij ka, ndër të tjera, një ‘Bugatti Centodieci’. Portugezi është një nga dhjetë blerësit e vetëm të kësaj makine për një çmim afër 10 milionë euro. Përveç kësaj, zotëron një ‘Bugatti Chiron’, një ‘Bugatti Veyron’, një ‘Lamborghini Aventador’, një ‘Rolls-Royce Cullinan’, një ‘Camaro’, një ‘Ferrari F12’ apo një ‘McLaren Senna’. Vlera e parashikuar i tejkalon 19 milionë eurot.
Floyd Mayweather
Boksieri tregon praktikisht çdo ditë koleksionin e gjerë të makinave, që pushojnë në garazhin e tij. Disa ‘Rolls Royce’, ‘Maybach’, ‘Ferrari’, tre ‘Bugatti Veyrons’, një ‘Pagani Huayra’, ‘Porsche’, ‘Aston Martin’, shumë ‘Mercedes’, ‘Bentley’, ‘Lamborghini’… Markat më të mira janë në duart e tij, madje thuhet se blen edhe të njëjtën makinë në ngjyra të ndryshme. Në fakt, ai ka një koleksion të veturave të bardha në Miami dhe një tjetër të makinave të zeza në Las Vegas. Në foto, ai shfaqet pranë një ‘Koenigsegg Trevita’, model për të cilin pagoi 4 milionë euro dhe prej të cilit ekziston vetëm një makinë tjetër në botë. Sidoqoftë, boksieri vendosi ta shiste atë menjëherë në ankand. Sipas “The Sun”, koleksioni i tij i makinave mund të ketë një çmim më të lartë se 23 milionë euro.
Reggie Jackson
Njeriu nga Pensilvania është, në moshën 75 vjeç, sportisti me koleksionin më ekskluziv të makinave. Legjenda amerikane e bejsbollit zotëron më shumë se 100 makina klasike.
/a.r
