Një zjarr i madh është ndezur në një dasmë në India, por dy të ftuar nuk largohen nga tryeza e ushqimit. Ndonëse flakët duken të frikshme dhe përhapen, vëmendja e tyre mbetet vetëm ushqimi ndërsa vijojnë bisedën mes tyre.
Sipas raportimeve zjarri shpërtheu për shkak të përdorimit të fishekzjarrëve. Katër zjarrfikëse janë dërguar më pas në vendin e ngjarjes për shuarjen e flakëve dhe për fat të mirë, veç dëmeve materiale nuk pati raportime për të lënduar apo viktima.
Zjarri shkatërroi disa karrige dhe dekorime në dasmën që po realizohej në Bhiwandi.
Dasmat indiane janë të famshme për ekstravagancën e tyre, megjithëse është e paqartë nëse mjetet piroteknike ishin pjesë e festimeve.
