Veprat e artistes me prejardhje shqiptare po shpalosen në galerinë “Agora Gallery” në New York në ekspozitën me titull “Emerging Visions: An Exhibition of Dimensions and Truths”.
Shtatë vepra të Tiziana Fejzullajt janë pjesë e ekspozitës “Emerging Visions”, e cila u hap të enjten dhe do të qëndrojë e tillë deri me datën 14 të këtij muaji. Fejzullaj është nga Shqipëria dhe dashurinë për artin e konkretizoi kur ishte më e re në shtetin e vet. Talentin e zbuluan mësuesit sa ishte në shkollë dhe më pas prindërit e dërguan që të vazhdojë studimet ku talenti i saj u shndërrua në pasion.
