Dy kandidatët për Rektor në Universitetin e Tiranës kanë reaguar pas kërkesës së Rektorit aktual Mynyr Koni për anulimin e zgjedhjeve në Universitet.
Artan Hoxha dhe Mimoza Hafizi shprehen kundër kësaj kërkese.
Sipas Hoxhës, Mynyr Koni nuk ka asnjë kompetencë për të anuluar zgjedhjet.
“Procesi ka nisur, tashmë jemi në fushatë” thotë ai.
Edhe Hafizi nënvizon se procesi zgjedhor ka nisur dhe se njohin Komisionin Institucional Zgjedhor që ka miratuar senati akademik.
“Jemi në periudhe fushate, nuk mund të anulohen zgjedhjet” shprehet ajo.
Më herët Rektori i Universitetit të Tiranës, Mynyr Koni, deklaroi se zgjedhjet universitare nuk mund të mbahen më 30 korrik.
Sipas tij, për shkak të mungesës së aplikimeve nga personeli akademik i UT-së për anëtar të KIZ, Komisioni Institucional Zgjedhor (KIZ) nuk arriti të miratohet nga Senati Akademik.
