I pranishëm gjatë një takimi të ish-europarlamentarit Hannes Swoboda me diplomatë e profesorë në Tiranë, kryeministri Rama tha se po spekulohet shumë me numrin e azilkërkuesve shqiptarë në BE.
Sipas tij, edhe shtetas të vendeve të tjera më të zhvilluara se Shqipëria bëjnë të njëjtën gjë.
Rama përmendi rastin e polakëve.
“Shqiptarët kërkojnë azil për të njëjtën arsye që polakët ikin nga vendi: për një perspektivë më bindëse në Gjermani e Austri. Lëvizja e fuqisë punëtore ka qenë e mirë për ekonominë dhe shoqërinë europiane. Vendet më të zhvilluara janë vendet ku emigrantët kanë dhënë kontributin e tyre”, tha Rama.
Gjatë vitit të shkuar shqiptarët renditeshin në vend të dytë pas sirianëve për kërkesat për azil në vendet e BE-së.
