Një klerik mysliman në Kenia i ka kërkuar gjykatës që të mos e nxjerrë nga burgu, pavarësisht se akuzat ndaj tij kanë rënë.
Guyo Gorsa Buru ka deklaruar se frikësohet për jetën e tij. Ai është shprehur se mund të rrëmbehet ose vritet nga agjentët të shtetit pas lirimit nga burgu, siç pretendohet se ka ndodhur me të dyshuarit e tjerë për terrorizëm.
Ai u arrestua në vitin 2018 dhe u akuzua për posedim të materialeve që promovonin një grup terrorist dhe për bashkëpunim me militantët e al-Shabab me bazë në Somali.
Avokati i Guyo Gorsa Buru i ka kërkuar Gjykatës së Lartë garantimin e mbrojtjes shtetërore për klientin e tij pasi të lirohet.
Ndërsa kleriku pret vendimin, gjyqtari Ëendy Micheni tha se do t’i duhet të paguante për vazhdimin e qëndrimit të tij në burgun e sigurisë së lartë të Kamitit.
Fakti që ai dëshiron të qëndrojë te Kamiti, tregon se sa shumë ai ndjen se i rrezikohet jeta.
Klerikë të tjerë të dyshuar për lidhje me grupin islamik somalez al-Shabab janë vrarë në të kaluarën, megjithëse autoritetet mohojnë përfshirjen.
Në prill 2014, Abubakar Sharif Ahmed, i njohur si Makaburi, u qëllua për vdekje në Mombasa teksa po dilte nga një sallë gjyqi, kjo pasoi vrasjet e dy imamëve të tjerë në qytetin bregdetar
