Oliver Giroud ka luajtur ndeshjen e tij më të mirë me fanellën e Arsenal, pas dy vitesh e gjysmë me “topçinjtë”, duke shënuar tre gola që i dhanë londinezëve fitoren 3-0 në Athinë ndaj Olympiakos dhe njëkohësisht kualifikimin për në 1/8-t e finaleve të Champions League, si vendit i dytë i Grupit F. Arsenali fitoi 3-0 në Greqi Arsenal e mbylli grupin me pikë të barabarta me Olympiakos, por fitoi 3-0 në Greqi dhe u mund 2-3 në Londër, kësisoj ka një bilanc më të mirë në përballjet direkte.
Skuadra e Wenger e nisi “fushatën” me humbjet ndaj Dinamo Zagreb dhe Olympiakos, por gjithsesi arriti një kualifikim të jashtëzakonshëm. Oliver Giroud shënoi tre herë për Arsenal Në ndeshjen e luajtur në “Georgios Karaiskakis”, Arsenali duhet të fitonte me çdo kusht dhe ia doli me tre golat e Oliver Giroud. Sulmuesi francez shënoi golin e parë pas gjysmë orë lojë, me një goditje me kokë nga brenda e zonës. Më pas, qendërsulmuesi realizoi një gol të mrekullueshëm sapo nisi pjesa e dytë. Renditja përfundimtare e Grupit F Golin e tretë, që i dha sigurinë e kualifikimit Arsenalin, Giroud e realizoi me penallti.
Arsenali e mbylli grupin në kuotën e nëntë pikëve, me tre fitore dhe tre humbje, pesë pikë më pak se skuadra tjetër e kualifikuar, Bayern Munich. Olympiacos do të vazhdojë më tej në Europa League, si vendi i tretë i Grupit F. Franck Ribery gjatë ndeshjes së Bayern në Zagreb.
Në ndeshjen tjetër të luajtur për këtë grup, Bayern Munich pati probleme për një orë, por më pas Lewandowski shënoi dy herë në harkun e pesë minutave, duke i dhënë “bavarezëve” fitoren 2-0 në Zagreb ndaj Dinamos. Bayern, që fitoi pesë nga gjashtë ndeshjet e luajtura, humbi një penallti, tre minuta para fundit me Thomas Muller.
