Kryeministri Edi Rama, përmes një postimi në rrjetet sociale, është shprehur se ndihet shumë i lumtur për arritjet e sportistëve shqiptarë të Kosovës në Lojërat Olimpike në Paris.
Ai ka thënë se është krenar që është mik i medalisteve olimpike të Kosovës, xhudistet Distria Krasniqi dhe Laura Fazliu.
“I lumtur dhe krenar që jam miku juaj, e që ju nderoni Kosovën botërisht dhe i shërbeni edhe Forcave të Armatosura të Shqipërisë”, shkruan kryeministri Rama.
Distria Krasniqi ka fituar në “Paris 2024” medaljen e argjendtë në kategorinë deri 52 kilogramë, ndërsa Laura Fazliu fitoi medaljen e bronztë në kategorinë deri 63 kilogramë.
/a.r
