8864 vaksinime janë kryer ditën e sotme. Lajmin e ka bërë me dije ministria e Shëndetësisë Ogerta Manastirliu në një postim në rrjetet sociale, ku njofton se që nga fillimi i fushatës ‘Shqipëria Buzëqesh’ janë kryer 688.947 vaksinime.
8864 vaksinime janë kryer ditën e sotme. Lajmin e ka bërë me dije ministria e Shëndetësisë Ogerta Manastirliu në një postim në rrjetet sociale, ku njofton se që nga fillimi i fushatës ‘Shqipëria Buzëqesh’ janë kryer 688.947 vaksinime. Prej tyre, janë mbi 223 mijë qytetarë i kanë marrë të dyja dozat e vaksinës antiCOVID.
Vaksinimi masiv vijon me kalendar të kombinuar, për personat mbi 60 vjeç dhe punonjës të shërbimeve kritike. Procesi i vaksinimit po kryhet sipas të gjithë parametrave të sigurisë dhe cilësisë nga ekipe të trajnuar vaksinatorësh në të gjithë vendin.
Mjeku infeksionist Pëllumb Pipero në një intervistë për Report Tv tha se vaksinimi masiv ka sjellë efekte pozitive për sa i përket uljes së rasteve të reja të qytetarëve të infektuar me Covid në vendin tonë. Pipero e konsideroi fushatën e vaksinimit masiv në vend një histori suksesi.
