1,5 kilogramë heroinë u sekuestrua sot në qytetin bregdetar të Durrësit, pas një operacioni nga efektivët e Antidorgës.
Saimir Taullai 44 vjeç dhe tre persona të tjerë përfunduan në pranga nën akuzën e trafikut të heroinës. 44-vjeçari Saimir Taullai është vëllai i Baki Taullait, i njohur si biznesmen karburantesh i cili u ekzekutua nga banda e Lushnjës në korrik të vitit 2005.
44-vjeçari ka qenë një nga dëshmitarët kyçë në dënimin e anëtarëve të bandës së Lushnjës. Gjithashtu, Saimir Taullai është arrestuar në vitin 2003, ku gjatë një kontrolli në banesën e tij te stacioni i trenit në Lushnjë iu gjet një sasi droge disa armë zjarri dhe përzierës. ai ka kryer edhe disa vite burg për vrasje.
Sipas policisë ekzistojnë dyshime të forta se Saimir Taullai është drejtues i grupit kriminal të ndaluar sot nga blutë e Durrësit. Bashkë me Taullain sot janë arrestuar edhe Laert Haxhiu 23 vjeç, Afrim Demiri, 54 vjeç dhe Kastriot Zaimi 34 vjeç.
Dyshohet se ky grup kriminal trafikonte drogë drejt Italisë, por kryente shpërndarje të drogërave të ndryshme edhe në Shqipëri. Gjatë operacionit të sotëm, policia sekuestroi edhe dy automjete, një tip “Audi A4” me targë AA 592 JE dhe një “Smart” me targë IOI 2954, po ashtu janë sekuestruar edhe 6 telefona celularë.
