Një 44- vjeçar i cili dyshohet se ka vjedhur 110 makina në Tiranë, 7 në vlorë, 17 në Durrës dhe 5 në Sarandë, si dhe në Itali, është arrestuar nga policia e Sarandës. 44- vjeçari Aleksandër Qarri është arrestuar mbrëmjen e djeshme rreth orës 22:30.
Sipas bluve të Sarandës, 44- vjeçari ka kryer 5 thyerje mjetesh në qytetin bregdetar nga data 1- 17 dhjetor, në të cilat vidhte kryesisht kasetofonat dhe më pas i shiste në një servis në Tiranë.
Sipas policisë 44 vjeçari shkonte të shtunën në darkë, dilte nga hoteli pas orës 2 të mëngjesit, vidhte dhe më pas udhëtonte drejt Tiranës me autobus në orën 5 të mëngjesit.
Për 100 vjedhjet në Tiranë Qarri është dënuar në 2011, ndërsa për 17 vjedhjet në Durrës është dënuar në 2015.
Njoftimi i policisë:
Sarande, arrestohet nje person i shumekerkuar. Ne pranga Aleksander Qarri, 44-vjec, lindur ne Novosele e banues ne Tirane, i divorcuar, i denuar me pare. Qarri dyshohet per 110 vjedhje makinash ne Tirane, 7 vjedhje makinash ne Vlore dhe 5 vjedhje makinash ne Sarande si dhe vjedhje ne Itali. Policia e Sarandes e kapi mbreme ne oren 22.30. Nga data 1-17 dhjetor ka thyer 5 mjete ne Sarande, vidhte kryesisht kasetofona qe i shiste tek nje servis ne Tirane. Ne Sarande vinte te shtunen ne darke, dilte nga hoteli pas ores 2 te mengjesit, vidhte dhe nisej me autobus ne 5 te mengjesit per Tirane.
a.ç
