Policia italiane ka vënë në pranga pas dy vitesh kërkime një shqiptar të akuzuar për përdhunimin e një prostitute rumune.
Mësohet se shqiptari vetëm 23-vjeçar kërkohej edhe për një sërë veprash penale si dhunë seksuale dhe grabitje që në vitin 2015.
Policia nisi ta kërkonte që pas mbrëmjes së 20 janarit të 2015 kur përdhunoi një prostitutë rumune.
Ai e kishte kontaktuar atë në rrugë, por në vend të një marrëdhënie me pagesë, i riu e ka përdhunuar duke e kërcënuar, e më pas e ka grabitur.
Ai e kërcënonte 26 vjeçaren me një levë me qëllim që t’i bindej dëshirave të tij seksuale dhe më pas i grabiti çantën me paratë e dokumentet personale.
Kjo e fundit kishte denoncuar në polici rastin ku e përshkroi me detaje të riun, por vetëm pas dy vitesh policia italiane ka arritur ta identifikojë dhe të lëshojë një urdhër-arresti për 23 vjeçarin shqiptar, i cili nga dje është në burg.
c.a
