Policia e Fierit finalizon me sukses operacionin antidrogë të koduar “WHITE dhe arrreston në flagrancë një shpërndarës kokaine. Bëhet fjalë për Marsel Korreshi, 27 vjeç, banues në lagjen “Kadri Qystri” Lushnje.
Në bazë të informacioneve të marra në rrugë operative se në lagjen “Çlirimi” Lushnje shpërndahej lëndë narkotike, u organizua puna dhe u bë i mundur finalizimi i operacionit antidrogë të koduar “WHITE”, si rezultat i të cilit u bë kapja në flagrancë e autorit që posedonte lëndën narkotike.
Konkretisht, në lagjen “Çlirimi”, Lushnje, nga kontrolli personal që iu bë shtetasit Marsel Korreshi, iu gjetën e sekuestruan në cilësinë e provës materiale 22 doza lëndë narkotike e dyshuar Kokainë.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Prodhimi dhe shitja e narkotikëve”.
a.ç
