Lideri i Vetëvendosjes Visar Ymeri, është arrestuar sërish nga Policia e Kosovës. Këtë e ka bërë të ditur partia e tij. Kjo nuk është hera e parë që po arrestohet Ymeri. Kjo për shkak që ai nuk po pranon të shkoj në seancën gjyqësore për rrahjen me deputetin Bekim Haxhiu dhe besohet se edhe kësaj radhe është arrestuar për këtë arsye. Seanca gjyqësore ndaj të akuzuarve për këtë rast tashmë është duke u zhvilluar.
Ky është njoftimi i plotë i Vetëvendosjes:
Sot rreth orës 10:00, policia arrestoi sërish kryetarin e “Vetëvendosjes”, Visar Ymeri.
Proceset e montuara gjyqësore ndaj Lëvizjes VETËVENDOSJE! nuk po ndalen dhe janë intensifikuar kohëve të fundit. Arrestimi i vazhdueshëm i kryetarit të subjektit më të madh opozitar, konfirmon raportet ndërkombëtare që Kosovën e kanë shpallur vend me sistem gjysmë të konsoliduar autoritar.