Pas sekuestrimit të një sasie të madhe droge në në portin e Durrësit, sot policia ka njoftuar arrestimin e pronarit të autobusit që ishte nisur drejt Italisë.
Policia bën me dije se ka vënë në pranga Eduart Singaj 38 vjeç. Lënda narkotike u gjet e fshehur në pjesën e rrotave të pasme të autobusit e ndarë në 180 pako. Blutë arrestuan në kushtet e flagrancës drejtuesin e mjetit Jetmir Muçalijaj 43 vjeç.
Specialistët dhe grupi hetimor vijojnë punën për kapjen e personave të tjerë të implikuar në këtë rrjet kriminal. Materialet i kaluan Prokurorisë pranë Krimeve të Rënda Tiranë për veprime të mëtejshme për veprën penale “Trafikimi i lëndëve narkotike” në bashkëpunim, e mbetur në tentative. /ma.me
