Njëri nga të dyshuarit kryesor për sulmet seksuale gjatë natës së vitit të ri në Këln të Gjermanisë, është arrestuar në Zvicër.
Nëntëmbëdhjetë vjeçari maroken, i cili besohet të jetë njëri nga gjashtë të dyshuarit kryesor për sulmet seksuale që tronditën Gjermaninë, u arrestua në qytetin Kreuzlingten, pasi që gjoja kishte vjedhur mall në vlerë prej 24 eurosh nga një supermarket në Konstanz, në veriperëndim të Gjermanisë, dhe pastaj e kishte kaluar kufirin më të afërt, transmeton Gazeta Express.
Një roje kufiri pastaj e kishte identifikuar atë si njërin nga të dyshuarit e sulmeve seksuale të Këlnit, pasi që një detektiv dyqanesh e kishte ndjekur dhe thirrur policinë. (b.an)
