Një vajzë e re është arrestuar në kushtet e flagrancës, teksa tentonte të fuste lënd ë narkotike në burgun e Lushnjes.
Gjatë kësaj të marte, u bë arrestimi i D.N., 20 vjeçe, banuese në Tiranë.
Kjo pasi gjatë kontrollit fizik të ushtruar në ambientet e Institucionit të Ekzekutimit të Vendimeve Penale Lushnjë, iu gjet dhe sekuestrua në cilësinë e provës materiale 45.1 gramë lëndë narkotike e dyshuar e llojit kanabis sativa.
Lënda narkotike u zbulua teksa e reja kishte shkuar për të takuar një të afërmin e saj që ndodhet pas hekurave.
Ndaj të dyshuarës për veprime të mëtejshme, materialet iu referuan Prokurorisë.
/a.r
