Shtetasi serb Mihail Shiler është arrestuar të mërkurën e shkuar në Marok bashkë me 50 “terroristë tjerë potencialë”. Goran Grbiç, mik dhe bashkëpunëtor afarist i Shilerit, ka treguar për gazetën e Beogradit “Blic” se shtetasi serb u arrestua të mërkurën ndërsa me automobil po kalonte kufirin në enklavën spanjolle Seuta, transmeton Koha.net.
Ai ka shtuar se Mihail Shiler dyshohet për terrorizëm, përkatësisht se Mihail është i ndërlidhur me situatën aktuale në Francë.
Mihail Shiler për nga nëna Milka Knezheviç është serb, e babanë e ka gjerman. Sipas fjalëve të Grbiçit, Shiler në vitin 2000 hoqi dorë nga shtetësia gjermane dhe u përcaktua për shtetësinë serbe. Mihail merret me programim dhe me firmën e vet të IT ai bën tregëti prej dy vjetësh në Marok.
