Një 37-vjeçari i dënuar me 10 vite e 5 muaj e 11 ditë burgim, për disa vepra penale është arrestuar nga Policia e Tiranës. Mësohet se në pranga ka rënë Arsen Daci, i cili njihej dhe me emrin Flakton Daci.
Arrestimi i Dacit është bërë pasi Gjykata e Torinos/ Itali e ka dënuar me 10 vite e 5 muaj e 11 ditë burgim, për veprat penale “Mbajtje dhe shitje e sendeve të vjedhura”, “Prodhimi dhe shitje e lëndëve narkotike” dhe “Vjedhje”.
37-vjeçari është prangosur tashmë pritet që të ekstradohet drejt Italisë, aty ku dhe do të kryejë dënimin e marrë nga gjykata.
/ b.h
