Policia e Tiranës, ka bërë arrestimin në flagrancë të shtetases Farbardha M, 50 vjeçe, banues në Tiranë. Ajo është konstatur nga Komisonerët e Qendrës së Votimit nr 1688/1, në shkollën ‘Kushtrimi i Lirisë’ duke fotografuar votën.
Materialet proceduriale do t’i kalojnë Prokurorisë Pranë Gjykatës së Shkallës së Parë Tiranë, për veprën penale “Shkelja e fshehtësisë së votimit”, parashikuar nga neni 327/1 i Kodit Penal.
12:30 Tiranë, arrestohet i riu, po fotografonte votën
Ka rënë në pranga një i ri që ka tentuar të fotografojë votën. Specialistët e Komisariatit të Policisë Nr 2, kanë bërë arrestimin në flagrancë të 20-vjeçarin Denis Nuhaj, banues në Tiranë. Rasti është konstatuar nga komisionerët e Qendrës së Votimit nr. 1829/2, në Shkollën “Dëshmorët e Lirisë”. I riu ëhstë kapur duke fotografuar votën. Materialet proceduriale do t’i kalojnë Prokurorisë Pranë Gjykatës së Shkallës së Parë Tiranë, për veprën penale “Shkelja e fshehtësisë së votimit”.
a.ç