Një 32-vjeçar është arrestuar, pasi ishte shpallur në kërkim ndërkombëtarë, si pjesë e një organizate kriminale, që kryen veprimtarinë e saj në Milano.
Burime nga policia e Durrësit bënë me dije se bëhet fjalë për Aldor Pjetrin, banues në Manëz. Ky shtetas do të ekstradohet në Itali, ku Gjykata e Milanos më datë 01.04.2016, ka caktuar masën e sigurisë “Arrest në burg”, për veprën penale “Trafikim të lëndëve narkotike dhe pjesë organizate kriminale” e parashikuar nga Kodi Penal Italian.
Maksimumi i dënimit parashikohet 20 vjet burg. Materialet i kaluan Prokurorisë së Rrethit Gjyqësor Durrës për veprime të mëtejshme.
