Policia e Durrësit ka vënë në pranga një 46-vjeçar, i cili rezulton të jetë dënuar në Itali me 26 vjet e 10 muaj burgim, për veprën penale “Trafikimi i narkotikëve”.
Burime zyrtare nga policia e Durrësit bëjnë të ditur se shtetasi Skënder Driza është ndaluar pasi Gjykata e Shkallës së Parë Durrës, më datë 26.04.2016 ka caktuar masën e sigurisë “Arrest me burg”, për efekt të njohjes së Vendimit Penal të Gjykatës së Apelit L’ Aquila në Itali, e cila e ka dënuar me 26 vite e 10 muaj burg për veprën penale” Trafikimi i narkotikëve ”.
Materialet në ngarkim të këtij shtetasi i kaluan Prokurorisë së Rrethit Gjyqësor Durrës për veprime të mëtejshme.
Panorama/d.i.
