Policia e Shkodrës arrestoi një shtetas të shpallur në kërkim ndërkombëtar për “Trafikim i lëndëve narkotike. Arrestimi i tij u krye nga Specialistët e Seksionit Kundër Narkotikëve.
“Mbi bazën e informacioneve të siguruara në rrugë operative, si dhe pas një pune të mirëorganizuar, gjatë mëngjesit të sotëm në qytetin e Shkodrës u bë e mundur kapja dhe arrestimi provizor për qëllime ekstradimi të shtetasit Viktor Qetaj, 35 vjeç, banues në fshatin Plan, Shkodër
Kapja dhe ndalimi i këtij shtetasi u bë pasi: Gjykata e Apelit në Torino-Itali, ka lëshuar urdhër arresti ndërkombëtar me nr. 1380/12, datë 30.03.2012, për veprën penale “Trafikimit të lëndëve narkotike” (kokainë). Ndalimi i këtij shtetasi u bë për qëllim ekstradimi në shtetin italian”, thotë njoftimi i policisë.
