Vjedhjet e banesave janë kthyer në një fenomen shqetësues për qytetarët në Elbasan.
Kështu ditën e sotme është arrestuar në flagrancë nga policia e Elbasanit: Etmond Panxhi, 32 vjeç, banues në fshatin Shelcan.
Arrestimi i 32-vjeçarit u bë pasi, ka hyrë në banesën e B.T., 64 vjeç, i cili ndodhej i vetëm në banesën e tij, ku i ka kërkuar para dhe më pas e ka goditur me sende të forta. Ndërsa materialet i kaluan Prokurorisë pranë Gjykatës së Shkallës Parë Elbasan, për veprën penale, ” Vjedhje me dhunë e mbetur në tentativë”.
Njoftimi i policisë
-Elbasan
Tenton të vjedhë me dhunë, arrestohet në flagrancë nga Policia. Shërbimet e Policisë Elbasan, kanë marrë njoftim se në fshatin Mlizë, Elbasan, po ndodh një vjedhje me dhunë në një banesë. Falë reagimit në kohë të shërbimeve të Policisë dhe ndërhyrjes profesionale është bërë e mundur kapja dhe arrestimi në flagrancë duke u larguar nga banesa i autorit:
• Etmond Panxhi, 32 vjeç, banues në fshatin Shelcan Elbasan.
Shtetasi i lartëpërmendur ka hyrë në banesën e shtetasit B.T., 64 vjeç, i cili ndodhej i vetem në banësë e tij, ku i ka kërkuar para dhe më pas e ka goditur me sende të forta. Materialet i kaluan Prokurorisë pranë Gjykatës së Shkallës Parë Elbasan, për veprën penale, ” Vjedhje me dhunë e mbetur në tentativë”, parashikuar nga nenet,139 e 22 të Kodit Penal
a.ç
