Një çift nga Kamza është arrestuar nga policia e Durrësit, pasi në makinën e tyre, me të cilën do të udhëtonin drejt Italisë, janë gjetur 5.5 kilogramë kanabis sativa.
Të arrestuarit janë Andi Pepnika, 40 vjeç, banues në Kamëz dhe e shoqja e tij, Dezdemona Jahelezi, 32 vjeç.
Çifti e kishte fshehur drogën në automjetin tip Mercedes Benz me targa DW 435 TV, që drejtohej nga 40-vjeçari.
Kanabisi u gjet në bagazhin e mjetit dhe u sekuestrua në cilësinë e provës materiale. Lënda narkotike kishte si destinacion Italinë.
BW/d.i.
