Reperja amerikane Azealia Banks raportohet se është arrestuar në New York. Krijuesja e hitit “212” thuhet se ka goditur një femër roje në një ndejë në mbrëmjen e së martës, raporton “New York Post”.
Sipas burimeve të kësaj uebfaqeje, Banks është arrestuar nën akuzën për sulm, transmeton koha.net. Lajmi vjen vetëm dy muaj pasi 24-vjeçarja kishte sulmuar një roje në Los Angeles në tetor. Besohet se gjithçka kishte nisur kur rojet nuk e kishin njohur Banksin kur ajo kishte arritur në ndejë.
